વિચારો વગર પૈસે આપને કોઈ કલાકો ફોન પર વાત કરવાની ગિફ્ટ આપે. અને તે માટે તમારે ઈન્ટરનેટ કનેક્શન એક્ટિવ કરાવવાની પણ જરૂર નથી.
જી હાં, આવું ટુંક સમયમાં થઈ શકે છે. 23 વર્ષનાં એક ચિફ એક્ઝિક્યૂટિવે હાલમાં જ એક મહત્વકાંક્ષી પ્રોજેક્ટ પર કામ શરૂ કરી દીધુ છે. આ પ્રોજેક્ટ હેઠળ, બસ દર બે મિનીટ બાદ તમારે એક એડવર્ટાઈઝમેન્ટ સાંભળવી પડશે તેનાં બદલમાં તમે ફોન પર જેટલી વાત કરવી હોય તેટલી કરી શકો છો.
ઈન્ટરનેટની મદદથી ફ્રી વોઈસ ચેટ્સ કરવાની ફેસિલિટી સ્કાઈપી જેવી એપ્લિકેશન આપે છે. પણ બેંગ્લુરુનાં 4 યુવા એન્જિનિયર્સ યશસ શેખર, સંદેશ ઈ, વિજય ઉમાલુતી અને સબરી જગદીશને ફ્રી વોઈસ કોલિંગ સર્વિસ 'ફ્રીકોલ' ડેવલોપ કરી છે. આ સર્વિસથી વોઈસ ઓવર ઈન્ટરનેટ (VoIP) સર્વિસિસ એ લોકો સુધી પણ પહોંચી શકશે જે ઈન્ટરનેટનો ઉપયોગ નથી કરી શકતાં.
સર્વિસનાં 5 દિવસમાં 6 લાખ કોલ્સ ઓફર કરી તેનો ટ્રાયલ રન પુરો કરી લીધો છે. હાલમાં તે થોડા સમય માટે બંધ છે. પણ આગામી મહિનામાં ફરી શરૂ કરવામાં આવશે. બિઝનેસ આગળ વદારવા માટે કંપની વેન્ચર કેપિટલ સાથે વાતચીત કરી રહી છે.
ટ્રાયલમાં અનરજિસ્ટર્ડ યૂઝર્સ 3 મિનિટ અને રજિસ્ટર્ડ યૂઝર્સ એક વખતમાં 12 મિનીટ કોલ પર વાત કરી શકશે. ફરી લોન્ચ થયા બાદ 'ફ્રીકોલ'માં કોઈપણ યૂઝર્સ માટે કોઈ ટાઈમ લિમિટ નહીં હોય. લિગલ ક્લિયરન્સ મળ્યા બાદ ઈન્ટરનેશનલ કોલ્સ પણ કરી શકાશે.
ફ્રીકોલનો પ્લાન છે કે એક દિવસમાં એક કરોડ કોલ્સ ઓફર કરવામાં આવશે. પહેલાં વર્ષનો રેવન્યું ટારગેટ 185 કરોડ રૂપિયા રાખવામાં આવશે. જે ફક્ત એડ્વર્ટાઈઝમેન્ટથી આવશે.ફ્રીકોલનાં સીઈઓ શેખરે જણાવ્યું હતું કે,'અમે અમારા તરફથી એક સર્વે કર્યો છે. લોકો દિવસમાં ઓછામાં ઓછું બે મીનિટ ફોન પર વાત કરે જ છે. તેથી દરરોજનો 2થી 5 કરોડ એડવર્ટાઈઝમેન્ટ સ્લોટ મળી શકશે.'
એક વર્ષ પહેલાં શેખરે તેની ગોદરેજ અને સંદેશ ઈએ તેની વિપ્રો કંપની માંથી નોકરી છોડી દીધી હતી. તે બાદ બંનેએ સાથે મળીને વેબ એપ્લિકેશન બનાવવાની શરૂઆત કરી હતી. અને સૌ પ્રથમ તેમણે નાની નાની કંપનીઓ માટે વેબ એપ ડિઝાઈન કરી હતી.
ડિસેમ્બરમાં તેમને આફ્રિકાનાં નોકિયા સીમેન્સનાં સેલ્સ હેડ રહી ચુકેલાં રંજીત ચેરિકલે 10 લાખ રૂપિયા આપ્યાં હતાં. અને આ મોડલને ડેવલોપ કરવા જણાવ્યું હતું. આ મામલે રંજીતનું કહેવું છે કે, હું તેમનો કોન્સેપ્ટ સમજી ગયો હતો. ઈમર્જિંગ માર્કેટ્સમાં આ એક પ્રોડક્ટ તરીકે ખૂબ ચાલશે. અને ભારતમાં તો તે દરેક વસ્તુ સારી ચાલે છે જે ફ્રી હોય છે.
