ભાણ કોટીલો અને હથિયો મહિડો

રૂપેણ નદીના કાંઠે વાંકિયા (સાણા ડુંગર) નામનું નાનકડું ગામ આવેલું છે. વાંકિયાના ગામધણી ભાણ કોટીલો એની ડેલીએ મિત્રો અને બારોટ ચારણના ડાયરા ભરી બેઠો છે. ડેલીના ખાનામાં માળવાઇ અફીણના ગાંગડા ખરલે ચડે છે. કસુંબા થાય છે. અંજલિયો ભરી ભરીને પવાય છે...આવા ચડતા બપોરના સમયે દરબારની ડેલીએ એક આઠેક મણની અદોદળી કાયાનો ખૂંખાર આ માણસ ખભા ઉપરથી બે એક મણ રોકડા રૂપિયાની ગાંસડી ખૂણામાં નાખીને દાયરામાં બેસી ગયો...? કસુંબો લેવડાવીને ભાણ કોટીલાએ આવતલ આદમીની ઓળખાણ માંગી! ‘ક્યાંથી આવો છો, ભાઇ?’ ગરેડી જેવા કાંધ ઉપરથી હાંડા જેવું માથું ઊચું કરી આગંતુકે જવાબ દીધો: ‘જૂનાગઢથી...’‘શું આવ્યા છો?’ જવાબમાં આવતલ આદમીએ એના થેલામાંથી તાંબાનું પતરું કાઢીને દરબારને વાંચવા આપ્યું. દરબારે પોતાના કામદારને આ તામ્રલેખ આપીને કહ્યું: ‘સૌ દાયરો સાંભળે એમ વાંચી સંભળાવો.’ ડાયરામાં પળભર સન્નાટો પથરાઇ વળ્યો. અનુમાન થઇ શકતું હતું કે આવતલ મૂળે આ આદમી છે ધીંગાણાનો, તલવારની પટ્ટાબાજી ખેલનારો હોય, કાં તો આખલા કે પાડાનો પછાડનારો હોય, કાં તો પછે નવાબનો ‘એકો’ હોય... ગમે તે હોય. પણ હીરના ફુમતા જેવા આપણા રૂપાળા આ ગામના દરબાર ભાણ કોટીલા સાથે એને ક્યા ભવનું વેર છે કે દૂધમાં કહુ ઓરવા આંયા ગુડાણો?‘જૂનાગઢ રાજના ગિરાસદાર દાયરાને જણાવવાનું કે..’ કામદાર તાંબાના પતરાનું લખાણ વાંચી રહ્યા! ‘અમારો પહેલવાન તમારે ગામ આવે છે. આ પહેલવાન યુદ્ધનો ખેલાડી છે. એટલે એની સાથે હાથોહાથની લડાઇ આપી શકે એવો સમોવડિયો આપશો. જો તમે આ માટે નિરુપાય હો તો રોકડા રૂપિયા સો એને આપી દેજયો અગર તમારી પાસેનો પહેલવાન જો અમારા પહેલવાનને હરાવી દેશે, તો એની પાસેના તમામ રોકડા રૂપિયા તમને આપી દઇશું.’ લખાણ સાંભળીને ભાણ કોટીલાએ દાયરામાં નજર નાખી પણ દાયરો આખો પલળેલા કાગડા જેવો ભાસ્યો! ‘સો રૂપિયા ગણી આપો દરબાર, એટલે બીજું ગામ ચેતાવું!’ પહેલવાન વરવું હસ્યો!દરબારના મોં પર ઝાંખપની છાયા ઢળી કે ડેલીના ખાનામાં બેઠેલ ગામનો મેઘવાળ હથિયો મહિડો બોલ્યો: ‘ભલે બાપુ! આ જાડિયો દાકુડો કાંઉ બોલતોસ?’ (આ જાડો શું કહે છે?)‘હાથિયા મહેતર!’

દરબાર બોલ્યા: ‘આ જૂનાગઢના નવાબનો મલ્લ છે. એની સાથે હાથોહાથ ધીંગાણું કરે એવો સમવડિયો માંગે છે. ન મળે તો સો રૂપિયા રોકડા આપવાના છે.’ ‘શું કરશો? બાપુ!’ હાથિયો મૂછમાં હસ્યો.‘સો રૂપિયા આપી દઇશું. બીજું શું ?’‘ન અપાય બાપુ!’ હાથિયા મેઘવાળે બાંયો ચડાવી.‘તમારા ડાયરામાં હાથિયો મહિડો બેઠો છે અને વાંકિયાનું પાણી જાય! એને હું ધીંગાણું આપીશ હાથોહાથનું.’ હાથિયા હરજિનની વાત સાંભળીને જૂનાગઢના પહેલવાને થૂંકતો હોય એવું મર્મીલું હાસ્ય કર્યું: ઉહુહુહુ. ‘ભાઇ પહેલવાન!’ દરબાર બોલ્યા: ‘અમારો હાથિયો મેઘવાળ તને હાથોહાથનું ધીંગાણું આપે છે...’‘બાપુ! તમારા હાથિયાનાં હાડકાં ગણ્યાં છે!’ પહેલવાન હસ્યો.‘ભાઇબંધ ઊભો થા, તો આ ઘડી જ ગણી દેખાડું...?’ ખોંખારો મારીને હાથિયો ઊભો થયો...!‘ભાઇ હાથિયા! આ પહેલવાન જૂનાગઢથી હાલીને આવે છે. થાકયો હશે... બે દી’ ભલે તાજો માજો થાય... આજથી ત્રીજા દિવસે આપણે દ્વંદ્વયુદ્ધ આપશું...’ દરબારે નિર્ણય સંભળાવ્યો. અને બે દિવસમાં તો આસપાસનાં ગામોમાં વાત સંભળાણી કે જૂનાગઢના નવાબના પહેલવાન સાથે (સાણા) વાંકિયા ગામનો હાથિયો મેઘવાળ હાથોહાથની લડાઇ આપવાનો છે.‘હાથિયો મેઘવાળનો લોટ બંધાઇ જવાનો હોં!’ લોકચર્ચા થઇ.‘શું લેવા લોટ બંધાઇ જાશે?’‘ઇ તો જૂનાગઢના રાજાનો મલ્લ છે. ઘણા બધાને હરાવીને હજારો રૂપિયા જીત્યો છે... હાથિયાનો રોટલો કરી નાખશે.’‘પણ હાથિયા મેઘવાળે વીસ વીસ મણ પથ્થરની શિલાઓ... માથા પર મૂકીને દરબારની ડેલીએ ગોઠવી છે, જાણો છો?’ ‘છે તો બળવાન...! થાશે જેવા જેવી...’ત્રીજા દિવસે વાંકિયા ગામને પાદર આસપાસનો મનખો ઊમટ્યો... હાથિયો અને નવાબનો પહેલવાન મેદાને પડ્યા.‘ભાઇ મલ્લ!’ હાથિયો બોલ્યો: ‘તું અમારો મહેમાન છે, એટલે પહેલો દાવ તારો...!’પહેલવાન હસ્યો! એમ નૈ ભેરુ! આપણે સૌ પહેલા હાથોહાથ રામ રામ મળીએ... ‘ભલે...’ કહીને હાથિયાએ પોતાનો જમણો હાથ પહેલવાનની હથેળીમાં મૂક્યો.એક જ મચરકી આપીને ભલભલા બિળયા માણસોની આંગળીઓને શેરડીના સાંઠાની જેમ પીલી નાખનાર એ પહેલવાને દાંત કચકચાવીને હાથિયા મેઘવાળનો પોંચો દાબ્યો પણ વળતી પળે આ ખૂંખાર મલ્લ થરથરી ગયો....! એના અહમ્ની કોથળી જાણે ઉતરડાઇ ગઇ. પહેલવાનને પ્રતીત થયું કે પોતાના હાથમાં આવેલો આ હાથ, માંસ-હાડકાંનો નથી, પણ ગજવેલના ટુકડાનો છે!! પહેલવાને તાકાત વાપરી નાખી. હાથિયાનો હાથ સલામત હતો અને મોં પરની રેખાઓ અકબંધ! ‘હવે ભણ્યું મારો વારો.’ હાથિયાએ ખોંખારો દઇને પહેલવાનનો હાથ હાથમાં લીધો: ‘તેં તો ભાઇ. નવાબની ભે’શુંનાં દૂધ-ઘી ખાધાં છે. મેં તો ભાણ કોટીલાના ગઢની છાશ જ પીધી છે. પણ આજ અમારી રૂપેણ નદીનું પાણી જોતો જા!’‘અને હાથિયાએ મચરકી દીધી...! દિવાળીને દિવસે છોકરાંએ હવાઇ ચડાવી હોય એમ પહેલવાનના ડોળા અધ્ધર ચડ્યા! કાચો ઘડો ફસકાઇ પડે એમ એનો ચહેરો ફસકાયો. મોઇ જેવા જાડા એના હોઠ ખૂલી ગયા અને ખોબો એક લાળોની સાથે ચીસ નીકળી ગઇ:

: ‘છોડ દે, મૈં હારા!’ ‘અને હાથિયાએ જ્યારે પહેલવાનનો હાથ છોડ્યો ત્યારે મેદનીએ સગી આંખે જોયું: પહેલવાનની આંગળીઓ લીરો ચિરાય એમ ચિરાઇ ગઇ’તી. હાથના પોંચાનો લોંદો થઇ ગયો’તો અને ધોધબંધ લોહી વહી રહ્યું હતું...! શરત મુજબ પહેલવાને રૂપિયાની ગાંસડી ઠાલવી દીધી! હાથિયાના આ પરાક્રમના ભાણ કોટીલો ખળાંઢળાં થઇ ગયાં... મહાદેવ ધાર નામે ઓળખાતું સો વીઘાનું ખેતર એણે હાથિયા મહિડાને લખી દીધું. દરબારના માએ ગઢમાંથી થાળ એક રૂપિયા અને દુઝણી એક ભેંસ હાથિયાને ઇનામમાં દીધાં! સાણા ડુંગરની અવથાડ શિલાઓમાં એક વધારે પરાક્રમ ગાથા લખાણી. રૂપેણ નદીએ તે દી’ પોતાના પનોતા આ પુત્રની તાકાત ઉપર ખળ ખળ હસી દીધું!

નોંધ:આ મહાદેવ ધારનું સો વીઘાનું ખેતર હાથિયાના વંશજો, મહિડા હરજિનો આજ પણ વાવે છે.

▶તોરણ, નાનાભાઈ જેબલિયા

▶post by-રાખોલીયા ધર્મેશ.

Share:

Read More

તમે જાણો શો ? ભારત કેમ NSG/ન્યૂક્લીઅર સપ્લાયર્સ ગ્રૂપમાં જોડાઇ નથી શકતું.

તમને થતુ હશે કે ન્યૂક્લીઅર સપ્લાયર્સ ગ્રૂપ/ NSG માં ૪૮ દેશ છે. તો ભારત હવે એશીયા ની મહાસતા બનવા તરફ આગળ વધી રહ્યુ છે તો ભારત ને ન્યૂક્લીઅર સપ્લાયર્સ ગ્રૂપ/ NSGનું સભ્યપદ કેમ નથી મળ્તુ. તાજેતરનાં વર્ષોમાં ભારત સરકારે સભ્યપદ મેળવવ્વા માટે  અભિયાન ચલાવ્યું, જેના ભાગરૂપે વડા પ્રધાને બ્રિટન, ફ્રાન્સ, રશિયા, અમેરિકા, મેક્સિકો વગેરે જેવા દેશોની મુલાકાત લીધી અને તેમના રાષ્ટ્રવડાઓને NSG સંગઠનમાં ભારતને સ્થાન અપાવવા માટે મનાવ્યા. સંગઠનમાં ભારતનું સ્થાન લગભગ પાકું હતું, પણ છેલ્લી ઘડીએ (જૂન ૨૨, ૨૦૧૬ના રોજ) ચીને ડિપ્લોમેટિક ધુસ કરી ને ભારત માટે કામ મુશ્કેલ કરી દીધુ. ચીનના રાષ્ટ્રવડાએ NSGના સભ્યદેશોને જણાવી દીધું કે ભારતને જો NSGનું સભ્યપદ આપો તો પાકિસ્તાનને શા માટે નહિ ? અને  ભારતને NSGનું સભ્યપદ મળતાં મળતાં રહી ગયું. પણ NSGના મેમ્બર થવું ભારત માટે શા માટે જરૂરી છે તે વિગતે સમજીએ.

ભારત પાસે યુરેનિયમનો કુલ જથ્થો લગભગ ૫૪,૦૦૦ ટન છે. આ પુરવઠા વડે ૧૦,૦૦૦ મેગાવોટનાં અણુમથકોની જરૂરિયાત તેમની આવરદા સુધી પૂરી થાય, જ્યારે વીજળીના ઉત્પાદન અંગે ભારતનો પ્લાન તો આવતા એકાદ દસકામાં બીજા ૧,૬૦,૦૦૦ મેગાવોટનો ઉમેરો કરવાનો છે. અને તેના માટે બહાર્થી યુરેનિયમ મેળ્વવુ જરુરી છે. બીજી તરફ ભારત ન્યૂક્લીઅર સપ્લાયર્સ ગ્રૂપ/ NSG માં નથી. મે ૧૮, ૧૯૭૪ના રોજ ભારતે પોકરણ ખાતે પહેલો અણુધડાકો કર્યા જેની સીધી અસર એ થઇ કે ૧૯૭૫માં અમેરિકાની સરદારી નીચે અણુઊર્જાને નિકાસ કરતા દેશો લંડનમાં ભેગા મળ્યા અને ભારત પર આરોપ લગાવ્યો કે અમેરિકા તથા કેનેડાએ જે યુરેનિયમ તથા અણુરિએક્ટર વેચ્યાં તેમનો ઉપયોગ તેણે અણુબોમ્બ બનાવવા માટે કર્યો. અને આ દેશોએ તરત ન્યૂક્લીઅર સપ્લાયર્સ ગ્રૂપ/ NSG નામનું જૂથ રચી દીધું. જૂથે સર્વસંમતિએ ઠરાવ્યું કે ભારત જેવા દેશોને યુરેનિયમ, અણુરિએક્ટર, યુરેનિયમના સાધનો વગેરે વેચવા નહિ.

આમ, ન્યૂક્લીઅર સપ્લાયર્સ ગ્રૂપ/ NSG વાસ્તવમાં અણુક્ષેત્રે મુખ્યત્વે ભારતને યુરેનિયમ વેસવાના પ્રતિબંધ કરાવાના આશયે રચાયેલું બહુરાષ્ટ્રીય સંગઠન છે. અગાઉની કેંદ્ર સરકારોએ સભ્યપદ માટે કોશિશો પણ કરી નથી. વર્તમાન સરકારે ઝુંબેશ ઉપાડી અને રશિયા, બ્રિટન, ફ્રાન્સ, અમેરિકા વગેરે અગ્રગણ્ય દેશોને ભારતની તરફેણમાં લાવી દીધા. આંતરરાષ્ટ્રીય સ્તરે આ અભિયાન મુખ્ય ત્રણ કારણોસર ચલાવામાં આવ્યુ.

(૧)  જો ભારત NSGનું સભ્ય થાય તો અણુશક્તિના ક્ષેત્રે વિકસેલી આધુનિક ટેક્નોલોજિ મુક્ત આયાત દ્વારા વસાવવા-વાપરવાનો લાભ મળે, જે ન્યૂક્લીઅર સપ્લાયર્સ ગ્રૂપ/ NSG નુ સભ્ય ન હોવાથી છેલ્લાં ચાલીસ વર્ષથી તે લાભથી વંચિત છે. 

(૨) અણુશક્તિની બાબતમાં આવશ્યક તમામ પ્રણાલી-પુરવઠો છૂટથી ઉપલબ્ધ થયા બાદ ભારત પરમાણુ શસ્ત્રોની રેસમાં પાકિસ્તાન કરતાં આગળ નીકળી શકે અને વખત જતાં ચીનનું સમોવડિયું બની શકે તે NSGનું સભ્યપદ હાંસલ કર્યાનો બીજો ફાયદો છે.

(૩) લાત્વિયા અને બેલારૂસ જેવા નાના દેશો પણ NSGના સભ્યો છે. નવાઇ તો એ કે અમુક સભ્યદેશો અણુકાર્યક્રમ ધરાવતા જ નથી. સતા તેઓ NSGનુ સભ્યપદ ધરાવે છે. બીજી તરફ એશિયન સુપરપાવરના દરજ્જે ઝડપભેર પહોંચવા માંડેલા ભારતે દરવાજાની બહાર રહેવું પડે એ સ્થિતિ માનભરી નથી. દુનિયાના ૪૮ જેટલા દેશોના વિશિષ્ટ જૂથમાં ભારતની ગણના ન થવાને લીધે તેની આંતરરાષ્ટ્રીય પ્રતિભા તેમજ પ્રભાવ બેયને ધક્કો પહોંચ્યો છે.

Share:

Read More

શું તમે તમારા Android ફોનને Root કરવા માંગો શો.? તો જાણી લો આ 10 ખાસ વાતો.

ઘણીવાર તમે સાંભળ્યું હશે કે તેઓએ ફોન સ્લો થઇ જવાના કારણે તેને રૂટ કરી દીધો છે. ફોનને રૂટ કરવાનો અર્થ એ થાય કે તમે તમારા સોફ્ટવેરમાં જઇને ફોનને જેવો ઇચ્છો છો તેવો બનાવી શકો છો. પણ તેમાં   ફાયદા છે તો તેની સામે નુકસાન પણ છે. હાલમાં ખૂબ ઓછા લોકો જાણ હશે. કે સ્માર્ટફોનને રૂટ કરવાથી તેના CPU, RAM, SD CARD ઓપ્શનની સિવાય અનેક અન્ય ફીચર પર કંટ્રોલ કરી શકો છે. જો તમે ફોનને રૂટ કરવા ઇચ્છો છો તો તેના માટે નીચે જણાવેલ વાતોનું ખાસ ધ્યાન રાખવું જરૂરી છે.

–  જો ફોનને રૂટ કર્યા બાદ તેના ફીચરને અપગ્રેડ કરવા ઇચ્છતા નથી ? તો તમારા માટે રૂટ કરવાનો કોઇ ફાયદો નથી. કારણકે એકવાર નવા ઓપ્શનને હટાવ્યા બાદ તેને ફરીથી ઇનેબલ કરી શકાતા નથી.
– તમે ફોનને એક વાર રૂટ કર્યા પછી તમારુ જુનુ કંપનીનું  ઓફિશિયલ અપડેટ હશે. તે પણ આપણે ફરી મેળવી નહી શકીએ.
– હવે જો તમે ફોનને એકવાર રૂટ કરી દો છો તો તમારા ફોનની વોરંટી પણ જતી રહે છે. ભલે તમે ફોનને એક દિવસ પહેલાં જ રૂટ કેમ ન કર્યો હોય.
– ફોનને રૂટ કર્યા બાદ તેમાં બગ આવવાની સંભાવનાઓ વધી જાય છે અને સાથે તમારા ફોનને કોઇ સરળતાથી હૈક પણ કરી શકે છે.
– રૂટ કર્યા બાદ  ફોનની કામગીરી પર અસર થતી જોવા મળે છે. ફોન થોડા દિવસો સુધી તો સારો ચાલે છે, પણ સમયની સાથે સાથે સ્લો પણ થતો જાય છે.
– તમારા ફોન સ્પાઇવેર અને એડવેરની ઝપેટમાં આવી જાય છે અને સાથે ફોનમાં સેવ ડેટાને માટે પણ નુકશાન થઇ શકે છે.
– ફોનને રૂટ કર્યા બાદ તમારા એન્ડ્રોઇડ દ્વારા નક્કી કરાયેલી લિસ્ટમાંથી બહાર થઇ જાવ છો. તેનો લાભ તમે ફરી લઇ શકતા નથી.
– ફોનને રૂટ કર્યા પછી અનેક સોફ્ટવેર ઓનલાઇન મેળવી શકાય છે. તેમાંના કેટલાક સોફ્ટવેર તેને બનાવનારાના ફાયદા આપવા માટે પણ અપડેટ અપાય છે.
– ફોનને રૂટ કર્યા બાદ તેનો સૌથી મોટી ફાયદો ફોનને ઓરિજિનલ ભાષામાં બદલાવી શકાય છે.
– ઓનલાઇન રૂટિંગ સોફ્ટવેર ડાઉનલોડ કરતા પહેલા તેમાં આપવામાં આવેલી નોટિસનેં ખાસ ધ્યાનથી વાંચવી જરૂરી છે. તેમાં લખેલું હોય છે કે ડિવાઇસને રૂટ કર્યા બાદ ફોનનું જે પણ કંઇ નુકસાન થશે તેની જવાબદારી વાપરનાર ની રહેશે.

Share:

Read More