તમારા કમ્પ્યુટરને ક્લીન બૂટ કેવી રીતે કરશો.

જો તમારું કમ્પ્યુટર નોર્મલ સ્ટાર્ટ ન થતું હોય તો તેનો સીધો અર્થ એ છે કે તમારા કમ્પ્યુટરના કોઈ સોફ્ટવેર કમ્પોનન્ટ અથવા ડ્રાઈવરમાં કોઈ સમસ્યા છે. આ સમસ્યામાંથી છુટકારો મેળવવા માટે તમારે તમારા કમ્પ્યુટરને ક્લીન બૂટ કરવાની જરૂર પડશે. કમ્પ્યુટરને ક્લીન બૂટ કરવા માટે આપેલા સ્ટેપ્સને અનુસરો.

©    કમ્પ્યુટરના taskbarમાં ડાબી બાજુએ સ્ટાર્ટ જોવા મળશે. તેના પર ક્લિક કરીને રન પર ક્લિક કરો. ત્યાર બાદ રનમાં Msconfig ટાઈપ કરો અને ત્યારબાદ ઓકે પર ક્લિક કરો.

©    હવે System Configuration Utility નું ડાયલોગ બોક્ષ જોવા મળશે. જેમાં જનરલ, સિસ્ટમ Ini, win.ini વગેરે ટેબ જોવા મળશે. જેમાંથી જનરલ ટેબ પર ક્લિક કરો. પછી Load System Services લખેલું આવશે. તેના પર ટિક કરો ત્યારબાદ કમ્પ્યુટરને રિ-સ્ટાર્ટ કરો.

©    સૌથી પહેલાં સ્ટાર્ટ પર ક્લિક કરી પછી રન પર ક્લિક કરો. ત્યારબાદ Msconfig ટાઈપ કરીને ઓકે પર ક્લિક કરો.

©    હવે System Configuration Utility નું ડાયલોગ બોક્ષ જોવા મળશે. જેમાં જુદા-જુદા ટેબ જોવા મળશે તેમાંથી જનરલ ટેબ પર ક્લિક કરો. આટલું કર્યા પછી Selective Start-up પર ક્લિક કરો.

©    હવે Process SYSTEM.INI file પરથી ક્લિક હટાવો.

©    આટલું કર્યા પછી Process WIN.INI file પરથી પણ ક્લિક હટાવો.

©    Load Startup Items પરથી ક્લિક હટાવો સાથે હવે એ ખાતરી પણ કરી લો કે Load System Services અને Use Original BOOT.INI પર ટીક કરેલી છે કે નહીં. ટીક ન કરેલી હોય તો કરી દેવી જોઈએ. આ બંને ઓપ્શન પર ક્લિક હોવી જરૂરી છે.

©    System Configuration Utility ના ડાયલોગ બોક્ષમાં હવે Services ટેબ પર ક્લિક કરો.

©    તેમાં Hide All Microsoft Services ના ઓપ્શનને સિલેક્ટ કરો. આમ કરવાથી કમ્પ્યુટરને ચલાવનારી તમામ જરૂરી સર્વિસીસ છુપાઈ જશે. હવે તમને માત્ર એ જ સર્વિસીસ જોવા મળશે જેના કારણે તમારું કમ્પ્યુટર ધીમું ચાલી રહ્યું છે. જો તમે તેમાં Disabled All ઓપ્શનને સિલેક્ટ કરો તો આ બધી જ સર્વિસીસ ડિસેબલ એટલે કે બંધ થઈ જશે. જો તમે ઘણી બધી સર્વિસીસમાંથી કોઈ જરૂરી તથા અનિવાર્ય કહી શકાય તેવી કામની સવર્સિને જાણતા હો જેમ કે એન્ટિવાયરસ સ્કેનર વગેરે જેવી સર્વિસીસને ક્યારેય ડિસેબલ ન કરશો.

પછી ઓકે પર ક્લિક કરો અને કમ્પ્યુટરને રિસ્ટાર્ટ કરી દો. કમ્પ્યુટર ફરીથી સ્ટાર્ટ થશે ત્યારે Don’t show this message or launch the system configuration utility when windows start નો મેસેજ કમ્પ્યુટર સ્ક્રીન પર જોવા મળશે. તેમાં ઓકે પર ક્લિક કરો. આટલા સ્ટેપ્સને અનુસરવાથી તમારું કમ્પ્યુટર ક્લીન અને ઝડપી બૂટ એટલે સ્ટાર્ટ થશે તથા કમ્પ્યુટર ફાસ્ટ થશે

Share: